ادب کی دنیا میں ایک نیا نام اور کھڑکی ان کی پہلی کتاب۔

 شاہین کمال کی کتاب ”کھڑکی“ افسانوں کا ایسا  مجموعہ ہے جو ان کے لیے ادب کا دروازہ ضرور وا کرے گا۔ ان افسانوں کی اشاعت سے پہلے ہی میں نے ان کی کئی کہانیاں سوشل میڈیا پر پڑھیں۔ آسان اور پُرکشش جملے اور روانی کسی طرح قاری کو بور نہیں ہونے دیتے۔حاصلِ کتاب ”کھڑکی“میں عورت ہونے کے باوجود شاہین نے ایک مرد کی محرومیوں اور ناکامیوں کو اجاگر کیا ہے۔

مجھ میں اور شاہین میں ایک بات قدر مشترک ہے کہ ہم دونوں اس دیار سے تعلق رکھتے ہیں جہاں کا کرب ہم مرتے دم تک نہیں بھول سکتے۔میرے لیے بہت اعزاز کی بات ہے کہ ان کی پہلی تخلیق پر چند جملے لکھ رہا ہوں۔ بڑے بڑے مصنف شاہین کے لیے لکھنے پر یقیناً  فخر محسوس کرتے، مگر شاہین کمال کا بڑا پن کہ مجھے بھی اس کتاب میں جگہ دی۔اللہ کرے زورِ قلم اور زیادہ۔

احتشام ارشد نظامی

صدر نظامی اکیڈمی