" سایہ "

زندگی صحرا میں چلتے ایک راہ نورد کی مانند ہے جو مسلسل کسی سائے کی تلاش میں رہتی ہے۔ دوسرے لفظوں میں زندگی جب مشکلات کے گھیرے میں آ جاتی ہے اور مشکلات کی تپش جیسے انسان کو جلا رہی ہوتی ہے ، تو کوئی سایہ اسے اپنی چھاؤں ، اپنے آنچل میں لپیٹ لیتا ہے۔ کبھی یہ سایہ، سایۂ خدا ہوتا ہے اور کبھی مخلوقِ خدا۔

یہ کتاب نوجوان لکھاریوں کے ادبی ذوق کو اجاگر کرتی ہے۔ جہاں انھوں نے اپنے خیالات ، مشاہدات اور تجربات کی روشنی میں سایہ کو مختلف زاویوں سے پرکھا ہے۔ یہ کتاب ایک ایسے سفر کی مانند ہے جہاں گردشِ ایام سے حوصلوں میں ارتعاش آ بھی جائے تو بھی اس کی منزل ایک سایہ ہوتی ہے۔ امید ہے یہ کتاب آپ کو حالات کی حدت میں ایک سائے کی طرح محسوس ہو گی۔