Rs. 150 shipping applies for orders within Pakistan

فسوں کدہ کا مرکزی کردار ایسا لڑکا ہے ،جو باہر کے اکیلے پن اور اندر کی تنہائی کا بیک وقت شکار ہے۔وہ ایک مثالی لڑکی کی تلاش میں ہے۔ لیکن وہ اک مظبوط کردار کا مالک ہے اور اسے اپنے نفس پہ بھی بالا دستی حاصل ہے۔ وہ نیکی اور بدی کے درمیان اس باریک لکیر کا شعور بھی رکھتا ہے ،جسے غیر محسوس انداز میں پھلانگتے ہوئے انسان کو اپنے اخلاقی زیاں کا ادراک نہیں ہوتا۔ اس کے ایمان یا نفس کی آزمائش کی یہ کہانی اک خانہ بدوش لڑکی کے گرد گھومتی ہے۔ شیطانی ترغیب پہ پاتال کی پستیوں میں گرنے والے کردار کی یہ کہانی ایک مبہم رنگ لیئے ہوئے آگے بڑھتی ہے۔حسن و معصومیت کےچھپی شیطانیت اور دل میں نیکی کی چھوٹی سی کرن کا یہ مقابلہ ماورائی ہو کے بھی انسانی زندگی کے بہت قریب ہے۔ نفس کے خلاف جنگ ہی یہ فسوں کدہ ہے۔ یہ کہانی بندے اور اس کے رب کے درمیان کے اک مظبوط رشتے کی کہانی ہے قدرت کیسے انسانی خواہشات کو قبولیت کا اعزاز بخشتی ہے ؟ کیسے انسان کو نیکی کا انعام ملتا ہے ؟ کیسے انسان گناہ کی ترغیب کے باوجود ثابت قدم رہ کر سرخرو ہوتا ہے ؟ انسان جسے اشرف المخوقات ہونے کا اعزاز حاصل ہے وہ اپنے آپ کو اس اعزاز کے قابل کیسے ثابت کرتا ہے؟ اور اس کانٹوں بھرے دشوار سفر  کی منزل کس قدر حسین ہے یہ ہے اس داستان کی  اصل روح۔۔۔