Shehryar Akhter Ali Khayal

0 Followers

Born	Jul 02, 1975
Genre	Poetry
Writer ID	shehryarakhteralikhayal

Statistics as an Author

شہریار اختر علی خیالؔ، مطالعہ اور علم و تحقیق کے دلدادہ ہیں اور عقلیت پرستی ان کا ایمان ہے۔ آزادی ِخیال اور آزادیِ رائے کے مُبلّغ ہیں، اور اسی آزادی کا استعمال وہ اپنی شاعری میں کرتے نظر آتے ہیں۔

خیالؔ نے معاشرے کے سلگتے ہوئے سماجی و مذہبی مسائل پر انتہائی بے باکی سے اپنے خیالات کا اظہار کیاہے۔ کبھی وہ بھوک اور افلاس کی مذمت کرتے ہیں تو کبھی انسانی جہل پر نوحہ خوانی کرتے ہوئے نظر آتے ہیں۔ کبھی استحصالی منبر کو للکارتے ہیں اور کبھی عوامی فکری جمود اور بے حسی پر شکوہ کرتے ہیں۔

خیالؔ نے انسانی بیداری کا خواب دیکھا ہے جس کی تکمیل کے لیے انہوں نے اپنی شاعرانہ صلاحیتوں کا سہارا لیا اور ظالم و جابر حکمرانوں، معاشرتی ناہمواریوں، مفاد پرست مذہبی ٹھیکیداروں، استحصالی معاشی نظام، قدیم کہنہ روایات و اساطیر، اور غیر عقلی عقائد و رسومات کے خلاف لفظوں کے نشتر سے انسانی روح کو بیدار کرنے کی سعی کی ہے۔

ان کی شاعری میں انسان کو تقّدم حاصل ہے، اور وہ انسانی شعور کو بیدار کرنےکی ایک بھرپور کوشش ہے۔ عظمتِ انسان خیال کی شاعری کی اساس ہے۔ خیال انسان کی جبیں پر سربلندی اور سرفرازی کا تاج دیکھنا چاہتے ہیں۔